vonandi verður Stefan áfram...

Flest­ir klúbb­ar hefðu sent hann heim

Stef­an Bonn­eau í leik með Njarðvík á síðasta tíma­bili. 

Ná­ungakær­leik­ur­inn er svo sann­ar­lega til staðar hjá hjá körfuknatt­leiks­deild Njarðvík­ur. Banda­ríkjamaður­inn Stef­an Bonn­eau fór á kost­um með liði Njarðvík­inga á síðasta tíma­bili í Dom­in­os-deild karla en sleit hás­in rétt fyr­ir yf­ir­stand­andi keppn­is­tíma­bil.

Njarðvík­ing­ar ákváðu hins veg­ar að halda í kapp­ann og hjálpa hon­um að koma sér í gegn­um þessi erfiðu meiðsli. Njarðvík­ing­ar út­veguðu hon­um húsa­skjól hér á landi, hann hef­ur fengið af­not af bíl og er auk þess í sjúkraþjálf­un.

Hafð í eng­in hús að vernda

„Staða hans per­sónu­lega var bara slæm. Hann er tveggja barna faðir og hafði í raun­inni í eng­in hús að vernda. Hann er kannski ekki með sterk­asta baklandið heima í Banda­ríkj­un­um. Okk­ur var bara orðið vel til vina, mér og hon­um og öðrum í klúbbn­um. Þannig að við í raun­inni sáum aum­ur á hon­um og ákváðum að taka hann að okk­ur í vet­ur,” sagði Gunn­ar Örlygs­son formaður körfuknatt­leiks­deild­ar Njarðvík­ur í afar áhuga­verðu viðtali á vefn­um Karf­an.is í dag.

„Menn mega hlæja að því eða gera grín að því en þetta er bara ná­ungakær­leik­ur og ekk­ert annað sem veld­ur því að við höf­um tekið hann að okk­ur. Hann hef­ur fengið gist­ingu, af­not af bíl og fengið mat og eitt­hvað af pen­ing­um. Við höf­um hjálpað hon­um með sjúkra­ferlið og hann bros­ir all­an hring­inn,” sagði Gunn­ar enn frem­ur.

„Bata­ferlið er á góðri braut og hann virðist vera að ná sér furðu hratt miðað við hversu al­var­leg þessi meiðsli voru þannig að það er ekk­ert ólík­legt að hann verði kom­inn í lag, fyrr, frek­ar en seinna, þó svo að ég geti ekk­ert sagt ná­kvæm­lega til um það,” sagði Gunn­ar.

Það get­ur því vel verið að Bonn­eau spili með Njarðvík­ing­um á tíma­bil­inu fari svo að hann nái sér. Það skipt­ir hins veg­ar ekki öllu máli í þessu til­felli.

Flest­ir klúbb­ar hefðu sent hann heim

„Hann er skráður í liðið, hann er Njarðvík­ing­ur, bara meidd­ur, á sjúkra­lista. Auðvitað væri það ekki verra fyr­ir okk­ur litla klúbb sem er bú­inn að gera mikið fyr­ir hann. Flest­ir klúbb­ir hefðu lík­lega sent hann heim, ekki sinnt meidd­um leik­manni utan samn­ings, Banda­ríkja­manni,” sagði Gunn­ar.

„Í flest­um til­fell­um hef­ur það verið svo­leiðis að mér skilst í gegn­um árin þegar svona mál  hafa komið upp. Við ákváðum að fara aðrar leiðir. Kannski fáum við það ein­hvern veg­inn til baka en þetta er ekki gert með þeirri hugs­un. Ef hann er kom­inn í lag á yf­ir­stand­andi tíma­bili, þá er þessi maður ekk­ert að fara að spila mikið fyr­ir klúbb­inn okk­ar. Þetta eru það al­var­leg meiðsli að ég ef­ast um að hann muni spila mikið ef nokkuð í úr­slita­keppn­inni,“ sagði Gunn­ar.

Umfjöllun og viðtöl: Keflavík - Njarðvík 86-92 | Endurkomusigur Njarðvíkur

Haukur Helgi var algjörlega frábær fyrir Njarðvík í kvöld.VÍSIR/ANTON BRINK

SVEINN ÓLAFUR MAGNÚSSON Í TM-HÖLLINNI SKRIFAR

Njarðvíkingar unnu seiglusigur í Tm-höllinni í Keflavík þegar þessir nágrannar mættust í sannkölluðum risaslag. Þetta var lokaleikur 15 umferðar Domino´s - deild karla. 

Það var mikil eftirvænting fyrir leik Keflavíkur og Njarðvíkur í kvöld og var stúkan nánast full hálftíma fyrir leik. Sigurvegarinn í leiknum hafði monntréttinn í Reykjanesbæ. 

Hjá Keflvíkingum var toppsætið í húfi því með sigri væru þeir þar einir. Njarðvíkingar þurftu á sigri að halda til þess að sýna að þeim væri alvara í Domino´s deildinni

Keflvíkingar byrjuðu leikinn að krafti en Njrðvíkingar svöruðu fljótt og höfðu yfirhöndina nánast allan fjórðunginn. Njarðvíkingar spiluðu góða vörn með Loga Gunnarsson fremstan í flokki en Haukur Helgi var potturinn og pannan í sóknarleik Njarðvíkinga. 

Njarðvíkingar voru að spila mjög góða vörn og áttu Keflvíkingar oft á tíðum í erfiðleikum að finna leið að körfunni. Njarðvíkingar voru með þrjú til sex stiga forskot en þeir slökuðu eitthvað á undir lokin á fjórðungnum og Keflvíkingar náðu að saxa forskotið niður í tvö stig þegar leikhlutanum lauk, 21 - 23. 

Annar leikhluti var nánast eins og sá fyrsti, Njarðvíkingar skrefi á undan. Baráttan jóks í öðrum leikhluta og voru menn aðeins byrjaðir að ýta í mann og annan. Njarðvíkingar héldu áfram að spila fasta vörn og komust Keflvíkingar lítið áfram í upphafi.

Ágúst Orrason náði að sópa til sín nokkrum mikilvægum fráköstum og við það jókst hraðinn. 
Keflvíkingar náðu að keyra á Njaðrvíkinga undir lok fjórðungsins og settu tíu stig á mót tveimur hjá Njarðvíkingum. Keflvíkingar fóru inn í búningsherbergi fjórum stigum yfir, 43 - 39. 

í fyrri hálfleik voru Reggie Dupree allt í öllu í sóknaleik Keflvíkinga hjá Njarðvíkingum var Logi Gunnarsson og Haukur Helgi Pálsson bestir með 10 stig hvor að auki var Haukur með 10 fráköst.

Keflvíkingar byrjuðu seinni hálfleikinn að krafti og náðu að keyra upp hraðann, sem annars góðir Njaðrvíkingar náðu að halda niðri í fyrri hálfleik. Keflvíkingar náðu að stoppa sóknir Njarðvíkinga og setja niður frekar auðveldar körfur. 

Um miðjan þriðja leikhluta voru Keflvíkingar komnir með 15 stiga forskot. Allt virtist stefna í sigur Keflvíkinga en þeir grænklæddu voru á öðru máli. Njarðvíkingar náðu að minnka munin niður í níu stig fyrir loka leikfjórðunginn. 

Leikmenn Njarðvíkur komu vel stemdir inn á völlinn í fjórða leikhluta. Á nokkrum mínútum voru þeir búnir að minnka munin og þegar um þrjár og hálf mínúta var eftir af leiknum jafna Njarðvíkingar leikinn. Á þessum kafla áttu Njarðvíkingar nokkur stór skot sem rötuðu ofaní körfu Keflvíkinga. Keflvíkingar áttu fá svör við þessu áhlaupi Njarðvíkinga og urðu að játa sig sigraða 86 - 92. 

Bestir í liði heimamanna voru Reggie Dupree með 22 stig og Earl Brown með 19 stig en sá síðar nefndi hefur oft spilað betur. Einnig ber að nefna Magnús Már Traustason en hann átti fínan leik.

Í liði gestana voru þeir Haukur Helgi Pálsson, með 24 stig, og Logi Gunnarsson, sem skoraði 17 stig, bestir. Bandaríkjamaðurinn í liði Njarðvíkinga átti ágæta kafla sérstaklega í seinni hálfleik. 

Keflavík-Njarðvík 86-92 (21-23, 22-16, 27-22, 16-31)
Keflavík: Reggie Dupree 22/4 fráköst, Earl Brown Jr. 19/13 fráköst, Magnús Már Traustason 12/6 fráköst, Valur Orri Valsson 10/8 stoðsendingar, Magnús Þór Gunnarsson 8, Davíð Páll Hermannsson 7/6 fráköst, Guðmundur Jónsson 4/5 fráköst, Ágúst Orrason 4/8 fráköst.
Njarðvík: Haukur Helgi Pálsson 24/12 fráköst/6 stoðsendingar, Jeremy Martez Atkinson 18/10 fráköst, Logi  Gunnarsson 17, Oddur Rúnar Kristjánsson 12/4 fráköst, Hjörtur Hrafn Einarsson 10, Ólafur Helgi Jónsson 9/4 fráköst, Jón Arnór Sverrisson 2.

Magnús Már: Undir lokin fór þetta í eitthvað rugl hjá okkur
„Þeir voru að hitta úr stóru skotum því fór sem fór. Við hættum að spila vörn, við erum komnir 15 stigum yfir og svo hættum við bara. Ég veit ekki hvað fór úrskeðis hjá okkur,” sagði Magnús Már Traustason sem mætti sýnum gömlu félögum í kvöld og var hann frekar daufur eftir leikinn

„Við verðum að laga vörnina hjá okkur. Sóknin var að ganga vel á köflum framan af en undir lokin þá fór þetta í eitthvað rugl hjá okkur” sagði Magnús Már eftir tapið í kvöld.

Friðrik Ingi: Ánægður með hjartað sem sprakk út  í fjórða leikhluta
„Það hefði verið auðveldara að leggjast niður og gefast upp en við gerðum það ekki. Við gáfumst ekki upp og fyrir það er stoltur og ánægður með mína drengi,” sagði Friðrik Ingi Rúnarsson stoltur og ánægður eftir leikinn 

„Við erum á réttri leið og getum orðið enn betri, það voru andartök í leiknum sem ég sá að við eigum eftir að koma öllum á sömu blaðsíðuna. Hjartað var á réttum stað hjá okkur undir lokin og fyrir það er ég glaður”

„Bandaríkjamaðurinn hjá okkur er ekki í mikilli leikæfingu en hann er búinn að vera hérna áður og þekkir allt. Við eigum eftir að finna hann betur en það sást á köflum að hann var eingöngu búinn að mæta á tvær æfingar hjá okkur,” sagði Friðrik Ingi hress að vanda eftir leikinn.

Haukur Helgi: Karakter sigur hjá okkur
„Þetta var erfitt, mikil vinna lögð í leikinn og flottur karakter sigur hjá okkur. Mér fannst við svolítið daufir og orkulausir. Frikki tók leiklé og lét okkur heyra það. Eftir það rifum við okkur í gang,” sagði Haukur Helgi Pálson var sáttur með sinn fyrsta nágranna slag á milli Keflavíkur og Njarðvíkur

„Við náðum nokkrum stoppum í röð og við fengum áhorfendurnir með okkur, við setjum svo eitt, tvö skot það þurfti ekki meira þá vorum við komnir á skrið. Skemmtilegt að upplifa svona rimmu í fyrsta skiptið og með alla þessa áhorfendur var geðveikt,“ sagði Haukur Helgi kampa kátur að lokum.

Sigurður: Menn misstu hausinn í tvær mínútur
„Þetta var hörkuleikur en við hefðum átt að vera búnir að loka þessum leik mun fyrr. Ég veit ekki hvað fer úrskeiðis og ég verð bara að skoða það. Það komu kaflar þar sem við spiluðum eins og við viljum þá vorum við áberandi betra lið fannst mér en það dugði ekki í kvöld,“ sagði Sigurður við Vísi. 

„Við vorum komnir með 15 stiga forskot og að spila vel svo missa menn hausinn í tvær mínútur og fengum á okkur nokkrar þriggja í röð. Þá fórum við að gera eitthvað sem við erum ekki vanir að gera en gerðum í dag. Við missum boltann og þetta var ekki alveg eins og við vildum,” sagði Sigurður Ingimundarson eftir tap sinna manna í kvöld.

LIVERPOOL FC VS MANCHESTER UNITED

Þarfnast Acestream

STOKE CITY VS LIVERPOOL

Þarnarst Acestream

jólasundmót NES

Sunderland - Liverpool FC

Ytið a myndina her að ofan til að niðurhala Acestream

Liverpool FC - Leicester

hérna er þáttur 9 (lokaþátturinn) í stittri útgáfu, 7 min staðinn fyrir 13 min

hérna er þáttur 9 (lokaþátturinn) í stittri útgáfu, 7 min staðinn fyrir min
Posted by NES SPORT TV HD on 25. desember 2015

NES TV SPORT HD - LOKAÞÁTTURINN

Síðasti þátturinn í NES TV HD séríunni og nú á bæði facebook og youtube. NES TV SPORT HD þakkar ykkyr fyrir áhorfið á þ...
Posted by NES SPORT TV HD on 17. desember 2015

WATFORD FC VS LIVERPOOL FC

Njarðvík vs Gridavík í gær

Lokaleikur ársins 2015 í Dominos deild karla fór fram í kvöld í Ljónagryfjunni í Njarðvík. Þar áttust við Njarðvík og Grindavík í leik sem var al-íslenskur þar sem bæði þessi lið sendu erlendu leikmenn sína heim fyrir stuttu.

1. leikhluti fór vel af stað og var leikurinn frekar hraður. Jafnt var á öllum tölum framan af og voru bæði lið að skjóta töluvert fyrir utan. Þorleifur byrjaði vel fyrir Grindavík og setti hann tvær 3ja stiga körfur með stuttu millibili í leikhlutanum. Njarðvík virtist ætla að taka afgerandi forystu undir lok leikhlutans þegar Logi og Jón Arnór settu sitthvora 3ja stiga körfuna og bætti Logi um betur með góðri körfu þegar 2 sekúndur voru eftir á klukkunni og kom Njarðvík í 9 stiga forystu 25-16. Jóhann Árni átti þó síðasta orðið í leikhlutanum þar sem hann setti flautukörfu frá miðju vallarins í spjaldið ofaní og endaði leikhlutinn því 25-19 Njarðvík í vil.

2.leikhluti byrjaði svipað og sá fyrri endaði, bæði lið að skjóta töluvert fyrir utan.  Þorsteinn, Daníel og Þorleifur settu allir niður 3.stiga skot snemma í leikhlutanum fyrir Grindavík og náðu þeir að minka muninn í 1 stig 29-28. Þá hertu heimamenn tökin í vörninni og komu með 7-0 rispu og komust í 36-28. Töluvert hægðist á leiknum um miðjan leikhlutann og gekk báðum liðum illa að setja stig á töfluna. Grindavíkingar tóku við sér undir lok leikhlutans og settu 6 stig í röð og náðu að minnka muninn undir lok leikhlutans niður í 4 stig 40-36 en það var staðan í hálfleik.

Hjá heimamönnum var Logi atkvæðamestur með 10 stig/3 fráköst, Hjörtur með 9 stig og Maciej með 7 stig. Hjá Grindavík var Þorleifur með 11 stig/2 fráköst og Ómar með 8 stig/6 fráköst. Eins og áður sagði voru bæði lið að skjóta töluvert fyrir utan, Njarðvík var með 5/15 í 3.stiga og Grindavík 6/19.

3.leikhluti bauð mikið upp á það sama og í fyrri hálfleik, Njarðvík leiddi og slitu sig 4-6 stigum frá gestunum sem komu alltaf til baka þó aldrei nær en 1.stig. Jón Axel vaknaði til lífsins eftir að hafa haft hægt um sig og setti niður tvær 3.stiga körfur með stuttu millibili og kom Grindavík 3.stigum frá heimamönnum 54-51 með seinni körfunni. Logi Gunnars átti án efa tilþrif leikhlutans þegar hann blokkaði Þorleif illa þegar skammt var eftir af leikhlutanum. Haukur Helgi skellti svo síðasta skotinu fyrir heimamenn sem leiddu 61-55 og allt opið fyrir síðasta leikhlutann.

4.leikhluti var framan af líkt og hinir leikhlutarnir þar sem Njarðvík leiddi og Grindavík elti. Njarðvík settu niður 6 stig í röð og komust í 67-57 með góðum körfum. Stuttu eftir tók Haukur Helgi  góða rispu þar sem hann setti niður stóra 3ja stiga körfu og kom Njarðvík í 11 stiga forystu 70-59 þegar um 6 mínútur voru eftir af leiknum. Í næstu sókn Grindavíkur stal hann boltanum og gaf Maciej auðvelda körfu. Ekki var hann hættur því hann blokkaði svo Ómar illa í næstu sókn Grindavíkur. Eftir þetta var leikurinn aldrei í hættu fyrir heimamenn og komust þeir mest í 18 stiga mun 79-61. Þjálfarar liðanna sáu hvað í stefndi undir lokin og fengu þeir leikmenn sem minna hafa spilað í vetur síðustu mínúturnar. Svo fór að lokum að Njarðvík sigraði 87-71 í leik sem jafn alveg fram í miðjan loka leikhlutann. 

Haukur Helgi átti fínan dag á skrifstofunni en hann leiddi alla tölfræðiþætti heimamanna 21 stig/ 8 fráköst/ 5 stoðsendingar/ 3 stolnir boltar. Logi Gunnars var með 18 stig/ 5 fráköst /3 stoðsendingar og Maciej var með 17 stig/ 4 fráköst/ 3 stoðsendingar. Hjá gestunum í Grindavík var Þorleifur atkvæðamestur með 17 stig/ 6 fráköst. Ómar Sævars kom þar á eftir með 16 stig/12 fráköst og Jón Axel var með 12 stig/6 fráköst.

Njarðvík-Grindavík 87-71 (25-19, 15-17, 21-19, 26-16)
Njarðvík: Haukur Helgi Pálsson 21/8 fráköst/5 stoðsendingar, Logi  Gunnarsson 18/5 fráköst, Maciej Stanislav Baginski 17/4 fráköst, Ólafur Helgi Jónsson 11/5 fráköst, Hjörtur Hrafn Einarsson 11, Hjalti Friðriksson 4/7 fráköst, Jón Arnór Sverrisson 3, Hilmar Hafsteinsson 2, Hermann Ingi Harðarson 0, Gunnlaugur Sveinn Hafsteinsson 0, Adam Eiður Ásgeirsson 0, Gabríel Sindri Möller 0.
Grindavík: Þorleifur Ólafsson 17/6 fráköst, Ómar Örn Sævarsson 16/12 fráköst, Jón Axel Guðmundsson 12/6 fráköst, Jóhann Árni Ólafsson 9/8 fráköst/6 stoðsendingar, Ingvi Þór Guðmundsson 8/4 fráköst, Daníel Guðni Guðmundsson 5, Þorsteinn Finnbogason 4/4 fráköst, Hinrik Guðbjartsson 0, Magnús Már Ellertsson 0, Nökkvi Már Nökkvason 0, Kristófer Breki Gylfason 0.

Umfjöllun: Árni Þór Ármannsson

Síðustu mín/sek úr leik Njarðvík vs Grindavík
Posted by EINZI SPORT on 19. desember 2015

Simmons sagt upp í Njarðvík

"Óvíst hvernig leikmann við fáum okkur"

Njarðvíkingar hafa sagt upp Marquis Simmons erlendum leikmanni sínum og hefur hann nú þegar leikið sinn síðasta leik fyrir félagið. "Hann var einfaldlega ekki að standa undir þeim væntingum sem til hans voru gerðar. En þetta er allt gert af fagmennsku og engin leiðindi. Hann skilur okkar afstöðu og mun halda af stað heim í dag eða á morgun." sagði Gunnar Örn Örlygsson formaður kkd. UMFN. 

Njarðvíkingar eru sem stendur í 6. sætii Dominosdeildarinnar með 5 sigra og 4 töp og hefur Marquis verið að skila 18 stigum og 11 fráköstum á leik fyrir þá grænklæddu. "Hann hefur já leikið sinn síðasta leik. Við töldum það réttast að gera þetta svona frekar en að láta hann klára til jóla. Það sýnir fagmennsku af okkar hálfu og einnig tel ég með fullri virðingu fyrir honum að aðrir leikmenn eigi að getað fyllt það skarð sem hann skilur. Hann er einfaldlega ekki að henta okkur og okkar prógrammi." sagði Gunnar ennfremur. 

Ræðst í "glugganum" hvernig leikmann Njarðvík tekur.

Gunnar sagði Njarðvíkinga nú byrja að leita af eftirmanni Simmons en óvíst væri hvernig sú leit yrði. "Við viljum bæta við okkur íslenskum bakverði, það er ekkert leyndarmál.  Ef það er bakvörður til sem langar að spila fyrir klúbbinn og hentar okkur, þá fáum við okkur stóran erlendan leikmann í teiginn aftur.  Ef það gengur hinsvegar ekki upp þá gæti farið svo að við yrðum að næla okkur í bakvörð erlendis frá." sagði Gunnar að lokum. 

Njarðvíkingar eiga tvo leiki eftir til jóla og það er gegn Haukum og Grindavík. 

Newcastle - Liverpool FC